لکی مروت کورٹ کمپلیکس میں فائرنگ، پولیس اہلکار شہید، دو افراد زخمی

نامعلوم مسلح افراد نے لکی مروت کے جوڈیشل کمپلیکس میں ایڈیشنل سیشن جج کی عدالت کے باہر فائرنگ کر دی، جس سے پولیس کانسٹیبل کرامت اللہ موقع پر ہی شہید ہو گئے۔ دو دیگر افراد زخمی ہوئے، جن میں وکیل اور پیپلز پارٹی کے ضلعی سیکریٹری اطلاعات جاوید اقبال اور انشاء اللہ شامل ہیں۔ پولیس نے کمپلیکس کو سیل کر دیا، سیکیورٹی سخت کر دی اور حملہ آوروں اور ان کے مقصد کا پتہ لگانے کے لیے تحقیقات شروع کر دی ہیں۔