خضدار میں ڈی آئی جی کے قافلے پر حملہ، تین اہلکار زخمی؛ نوشکی کالج میں فائرنگ سے تین طالبات زخمی

خضدار رینج کے ڈپٹی انسپکٹر جنرل عمران قریشی اور ایس ایس پی خضدار کے قافلے پر کرخ تحصیل میں نامعلوم مسلح افراد نے فائرنگ کر دی، جس سے تین پولیس اہلکار زخمی ہو گئے۔ دونوں سینئر افسران محفوظ رہے۔ افسران گزشتہ روز کرخ تھانے میں دھماکے کی جگہ کا معائنہ کر کے واپس آ رہے تھے، پولیس کی جوابی فائرنگ پر حملہ آور فرار ہو گئے۔ الگ واقعے میں نوشکی میں گرلز ڈگری کالج کے اندر مسلح افراد کی فائرنگ سے تین طالبات زخمی ہوئیں، جنہیں علاج کے لیے اسپتال منتقل کر دیا گیا۔