خاتون ڈاکٹروں کے زیر علاج مریضوں کے نتائج بہتر، تحقیق

ایک بڑی کینیڈین تحقیق میں معلوم ہوا ہے کہ خاتون ڈاکٹروں کے زیر علاج اسپتال کے مریضوں میں موت یا دوبارہ داخلے کا امکان مرد ڈاکٹروں کے مریضوں کے مقابلے میں کم تھا۔ یہ تحقیق 2008 سے 2022 کے درمیان اونٹاریو میں سات عام بیماریوں کے لیے داخل 958,150 بالغ مریضوں پر ہوئی۔ خاتون ڈاکٹروں کے مریضوں میں 30 دن کے اندر موت کی شرح 12.3 فیصد رہی، جبکہ مرد ڈاکٹروں کے مریضوں میں 13.7 فیصد، اور دوبارہ داخلے کی شرح بھی کچھ کم رہی۔